நாகர்கோவில் செட்டிகுளம் பகுதியில் அமைந்துள்ள ஐந்து ரோடு சந்திப்பு, எப்போதும் போக்குவரத்து நெரிசல் மிகுந்த முக்கியமான பகுதியாக உள்ளது. இவ்வழியாக செல்லும் பெரும்பாலான பேருந்துகள் சங்கரலிங்கம் மருத்துவமனை பேருந்து நிறுத்தத்தில் பயணிகளை இறக்கி, ஏற்றிச் செல்கின்றன.
இந்த பேருந்து நிறுத்தத்தில் இறங்கும் பொதுமக்கள், அருகில் உள்ள நடைபாதையை பயன்படுத்தாமல் சாலை வழியாகவே நடந்து செல்வதாக கூறப்படுகிறது. இதனால் வாகன போக்குவரத்துக்கு இடையூறு ஏற்படுவதுடன், தினந்தோறும் சிறுசிறு விபத்துகள் நடைபெற்று வருவதாகவும் பொதுமக்கள் தெரிவிக்கின்றனர்.
எனவே, நடைபாதையில் செல்ல வேண்டிய பயணிகள் சாலையில் இறங்குவதைத் தடுக்கும் வகையில், நடைபாதையின் ஓரத்தில் தடுப்பு கம்பி அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.
“நடைபாதையை விட்டு மக்கள் சாலையில் இறங்குவதைத் தடுக்க தடுப்பு கம்பி அமைக்கப்படுமா?” என்பதே தற்போது பொதுமக்களின் கேள்வியாக உள்ளது.
செய்திகள் ; சுரேஷ் / எதிரொலி / 8939476777